Shoqëria “Hekurudha Shqiptare” Sh.A., ju njofton se ka nisur procedurat për përgatitjen e dokumentacionit mjedisor dhe social për Projektin “Rehabilitimi i linjës hekurudhore Durrës – Rrogozhinë”, i cili shtrihet në territorin administrativ të Bashkive Durrës, Kavajë dhe Rrogozhinë.
Në kuadër të këtij procesi dhe në zbatim të Ligjit Nr. 10440, datë 07.07.2011 “Për Vlerësimin e Ndikimit në Mjedis”, të ndryshuar, si dhe VKM Nr. 247, datë 30.04.2014 “Për përcaktimin e rregullave, të kërkesave e të procedurave për informimin dhe përfshirjen e publikut në vendimmarrjen mjedisore”, Hekurudha Shqiptare Sh.A. ka nisur procedurën e informimit dhe konsultimit publik për projektin në fjalë.
Bashkëlidhur ju përcjellim “Përmbledhjen Joteknike të Projektit”, me qëllim që informacioni të bëhet i disponueshëm për publikun dhe palët e interesuara.
Në vijim të procesit, do të organizohen konsultime publike me komunitetet, institucionet dhe grupet e interesit të prekura nga projekti. Datat dhe vendet e zhvillimit të konsultimeve publike do t’ju komunikohen zyrtarisht në vijim.
Duke ju falënderuar paraprakisht për bashkëpunimin dhe mbështetjen tuaj në këtë proces, mbetemi në dispozicion për çdo informacion shtesë.
Për më shumë kliko ne Përmbledhjen Joteknike të Projektit
